السلام عليكم ورحمة الله وبركاته ،،
تحيه عطره وبعد ،،
سؤال وايد إيي على بالي ،، وأفكر فيه دايماً ،،
وهو موجه لـ كل بنت وشاب ،، في سن المراهقه ،،
يعني عمرهم بين الـ 13 والـ 18 تقريباً ،،
ليش تكونون علاقات مع الجنس الآخر ؟؟؟
يمكن البعض بيقولون لي ،، محتاجين للحب والحنان ،،
وهذي مو عذر ،،
ويمكن البعض بيقولون إن مشاعرهم وعواطفهم تقودهم للـ شخص الآخر ،،
بعد هذي مو عذر ،،
لأن العلاقات بـ حد ذاتها غلط ،، فـ مابالكم لو كانت في هـ السن الصغير ،،
سن المراهقه هو أكثر سن حرج في حياة الإنسان ،،
وفي هالسن ،، تكون العواطف غير مستقره ،، يعني الحب الحقيقي في هالسن ،، نادر ،،
والعلاقات في هالمرحله العمريه ،، مالها قيمه عدله ،،
والكلام الحلو ،، غالباً يكون بس كلام ،، مو طالع من القلب ،،
والبنت المراهقه لما تكلم شاب ،، وتقول إنها ( مرتبطه ) فيه بـ علاقة ( حب ) ،،
أعتقد إنها تقص على روحها ،، هو يسمعها أحلى الكلام ويخليها تعيش معاه أحلى الأحلام ،،
وهي تصدقه وتعيش معاه الرومانسيه ،، ممكن يكون صادق وممكن يكون لا !!!
وفي الحالتين ،، هي تعيش في ( غلط ) ،،
هل فكرت في يوم ،، إنها لما تكلمه ،، تخرب سمعتها وسمعة أهلها بـ يدها ؟؟؟
هل فكرت في يوم ،، إنها ممكن بكل سهوله تدمر مستقبلها ؟؟؟
هل فكرت ،، نهاية العلاقه ،، شنو بتكون ؟؟؟
بيهدها ،، وبيكلم غيرها ،، وممكن يقول حق ربعه عنها ،، وممكن يهددها !!!
شنو الفايده ؟؟؟ كلام حلو ،، مؤقت ،، ومو من القلب ،، وبس !!!!!!!!!!
يمكن في حب صادق ،، لكن ليش ما نخليه لي عقب الخطوبه ؟؟؟
ليش ما نجمع طاقات الحب والرومانسيه والدلع والحنان ،، كلهم ،، حق شريك المستقبل ،،
مو حق الشريك المؤقت ،، إللي بيكون عيب وحرام نكلمه ،، وفوق ذي ،، غالباً ما يكون صادق ،،
وايد كلام في بالي ،، بس أبي أجوف متابعة وتواصل المراهقين والمراهقات معاي ،،
وأتمنى كل شخص يكون صريح معاي ومع نفسه ،، ونتناقش بـ روح رياضيه ،، صريحه ،،
والله الموفق ،،
موضوع: !! سؤال صريح ، لكل مراهقه ومراهق !!! 
الثلاثاء مارس 24, 2009 3:00 pm
